ریاض میں مقیم فلپائنی نرس ڈینا سیوِلا نے عالمی نرسنگ ایوارڈ کے ٹاپ 10 فائنلسٹ میں جگہ بنا لی ہے، جس کا انعام ڈھائی لاکھ ڈالر رکھا گیا ہے۔
رپورٹس کے مطابق اس عالمی مقابلے میں ایک لاکھ سے زائد امیدوار شامل تھے، تاہم ڈینا سیوِلا اپنی بہترین کارکردگی، مریضوں کی نگہداشت اور جدید طبی خدمات کے باعث نمایاں ہوئیں۔
وہ ریاض کے ایک بڑے اسپتال میں گردوں کے مریضوں کے شعبے کی سربراہ نرس کے طور پر خدمات انجام دے رہی ہیں۔ ان کی کوششوں سے مریضوں میں پیچیدگیوں اور دوبارہ اسپتال آنے کی شرح میں واضح کمی آئی ہے۔
ڈینا سیوِلا کا کہنا ہے کہ ان کا مقصد گردوں کے مریضوں کے لیے بہتر سہولیات اور ہوم علاج کے بارے میں آگاہی پھیلانا ہے تاکہ ہر مریض کو بہتر اور باعزت زندگی میسر آ سکے۔