کدانہ ڈیویلپمنٹ کمپنی نے حج 1447 ہجری کی تیاریوں کے سلسلے میں مشاعر مقدسہ میں ترقیاتی منصوبوں کے نئے مرحلے کا آغاز کر دیا ہے۔
منصوبے کے تحت شاہ عبدالعزیز رنگ روڈ اور مزدلفہ کے مختلف علاقوں میں ہزاروں مربع میٹر رقبے کی بہتری اور اپ گریڈنگ کی جا رہی ہے تاکہ عازمین حج کو زیادہ سہولت اور آرام فراہم کیا جا سکے۔
حکام کے مطابق ان ترقیاتی اقدامات میں جدید پیدل راستے، سایہ دار مقامات، آرام گاہیں اور کولنگ و شیڈنگ سسٹم شامل کیے جا رہے ہیں تاکہ حج کے دوران رش اور گرمی کے اثرات کم کیے جا سکیں۔
یہ تمام اقدامات عازمین حج کے تجربے کو بہتر بنانے اور ان کی سلامتی کو یقینی بنانے کے لیے جاری ہیں، جو طویل المدتی ترقیاتی وژن کے اہداف سے ہم آہنگ ہیں۔