مکہ مکرمہ میں عازمینِ حج اور شہریوں کے لیے پارکس اور عوامی مقامات کو مزید بہتر اور جدید سہولتوں سے آراستہ کیا جا رہا ہے۔
مکہ میونسپلٹی کے مطابق شہر کے پارکس میں واکنگ ٹریکس، بیٹھنے کے مقامات، کھیل کے میدان اور سرسبز علاقے شامل ہیں جو مختلف عمر کے افراد کے لیے آرام دہ ماحول فراہم کرتے ہیں۔
حج سیزن کے دوران لاکھوں عازمین کی آمد کے پیش نظر صفائی، شجرکاری اور سہولیات کی بہتری کے کام مسلسل جاری رہتے ہیں تاکہ زائرین کو محفوظ اور خوشگوار ماحول میسر آ سکے۔
اعداد و شمار کے مطابق مکہ مکرمہ میں سینکڑوں پارکس موجود ہیں جو مجموعی طور پر وسیع رقبے پر پھیلے ہوئے ہیں اور شہر کی خوبصورتی اور معیارِ زندگی میں اہم کردار ادا کر رہے ہیں۔