ویمنز ٹی ٹوئنٹی ورلڈکپ 2026 میں شائقین کی غیر معمولی دلچسپی دیکھنے میں آ رہی ہے اور ٹکٹوں کی فروخت نے نیا ریکارڈ قائم کر دیا ہے۔
بین الاقوامی کرکٹ کونسل کے مطابق جلد ہی ڈیڑھ لاکھ ٹکٹس کی فروخت کا ہدف مکمل ہونے والا ہے جو کسی بھی پچھلے ایونٹ کے مقابلے میں ایک بڑی پیش رفت ہے۔
افتتاحی میچ میزبان انگلینڈ اور سری لنکا کے درمیان برمنگھم میں کھیلا جائے گا، جبکہ ایونٹ کے آغاز میں ابھی ایک ماہ سے زائد وقت باقی ہے۔ حکام کے مطابق موجودہ رفتار برقرار رہی تو یہ ایونٹ ٹکٹ فروخت کے لحاظ سے تاریخی ثابت ہوگا۔
اس سے قبل 2020 کے ایڈیشن میں ایک لاکھ چھتیس ہزار سے زائد ٹکٹس فروخت ہونے کا ریکارڈ قائم ہوا تھا۔