متحدہ عرب امارات نے اسرائیلی وزیرِاعظم نیتن یاہو کے مبینہ دورۂ امارات کی خبروں کو مسترد کر دیا ہے۔
اماراتی وزارتِ خارجہ کے مطابق غیر اعلانیہ دوروں سے متعلق تمام دعوے بے بنیاد ہیں۔ بیان میں کہا گیا ہے کہ امارات اور اسرائیل کے تعلقات واضح اور باضابطہ معاہدے کے تحت ہیں، اس لیے کسی خفیہ یا غیر اعلانیہ دورے کی بات درست نہیں۔
اس سے قبل اسرائیلی وزیرِاعظم کے دفتر کی جانب سے دعویٰ کیا گیا تھا کہ نیتن یاہو نے جنگ کے دوران امارات کا دورہ کیا اور صدر شیخ محمد بن زاید سے ملاقات بھی کی، تاہم امارات نے ان دعوؤں کی سختی سے تردید کی ہے۔