پاکستانی شوبز انڈسٹری کی معروف اداکارہ سجل علی اپنے نئے منفرد بالوں کے انداز کے باعث سوشل میڈیا پر توجہ کا مرکز بن گئی ہیں۔
اداکارہ نے اپنے سماجی رابطے کے صفحے پر ایک ویڈیو شیئر کی جس میں وہ اپنے روایتی لمبے بالوں کے بجائے چھوٹے بالوں کے انداز میں دکھائی دیں۔ اس نئی تبدیلی پر مداحوں اور صارفین کی جانب سے مختلف تبصرے سامنے آ رہے ہیں۔
کچھ صارفین کا کہنا ہے کہ یہ تبدیلی کسی نئے کردار کی تیاری کا حصہ ہو سکتی ہے جبکہ بعض لوگوں کے مطابق یہ صرف عارضی انداز یا مصنوعی بال بھی ہو سکتے ہیں۔ سوشل میڈیا پر اس نئے انداز کے حوالے سے مختلف قیاس آرائیاں جاری ہیں۔