سعودی عرب کے شہر نجران میں دو ماہ پر مشتمل سمر فیسٹیول کا آغاز ہو گیا ہے، جہاں مقامی اور بیرونِ شہر سے آنے والے سیاح بڑی تعداد میں شرکت کر رہے ہیں۔ فیسٹیول میں روایتی دستکاری، ثقافتی ملبوسات، مقامی شہد، کھجوریں اور زرعی مصنوعات خصوصی توجہ حاصل کر رہی ہیں، جبکہ ریستوران، کیفے اور بچوں کے لیے تفریحی سرگرمیوں کا بھی اہتمام کیا گیا ہے۔ منتظمین کے مطابق اس ایونٹ کا مقصد مقامی کاروبار، سیاحت اور ثقافتی ورثے کو فروغ دینا ہے، جبکہ روایتی لباس کی نمائش بھی شرکاء کی دلچسپی کا اہم مرکز بنی ہوئی ہے۔
