آسٹریلیا کے معروف ٹینس کھلاڑی اور یو ایس اوپن مینز سنگلز ٹائٹل جیتنے والے پہلے اَن سیڈڈ چیمپئن مال اینڈرسن 91 سال کی عمر میں انتقال کر گئے۔
مال اینڈرسن نے انتہائی محدود سہولیات کے باوجود محنت سے اپنا نام بنایا اور 1957 میں یو ایس چیمپئن شپ سمیت کئی بڑے ڈبلز ٹائٹل اپنے نام کیے۔ وہ اپنے کیریئر میں دو بار ڈیوس کپ بھی جیتنے والی آسٹریلوی ٹیم کا حصہ رہے۔
ریٹائرمنٹ کے بعد انہوں نے نوجوان کھلاڑیوں کی تربیت میں اہم کردار ادا کیا، جن میں پیٹ رافٹر جیسے عالمی نمبر ایک کھلاڑی بھی شامل ہیں۔
پیٹ رافٹر نے انہیں خراجِ عقیدت پیش کرتے ہوئے کہا کہ وہ نہ صرف ایک عظیم کھلاڑی بلکہ ایک بہترین انسان اور رہنما تھے۔