ڈھاکا ٹیسٹ کے آخری روز بنگلادیش نے پاکستان کو جیت کیلئے 268 رنز کا ہدف دے دیا ہے۔ میزبان ٹیم نے اپنی دوسری اننگز 240 رنز 9 کھلاڑی آؤٹ پر ڈکلیئر کی۔
بنگلادیش کی جانب سے کپتان نجم الحسین شانتو 87 اور مومن الحق 56 رنز کے ساتھ نمایاں رہے، جبکہ پاکستان کیلئے حسن علی اور نعمان علی نے 3، 3 وکٹیں حاصل کیں۔
قومی ٹیم کو میچ اپنے نام کرنے کیلئے کم از کم 75 اوورز میں 268 رنز بنانا ہوں گے۔ پہلی اننگز میں اذان اویس کی شاندار سنچری نے پاکستان کو سہارا دیا تھا۔