کراچی کے علاقے بلدیہ ٹاؤن میں رینجرز نے کارروائی کرتے ہوئے ڈکیتی اور اسٹریٹ کرائم میں ملوث ’لالو گروہ‘ کے سرغنہ سمیت 4 ملزمان کو گرفتار کر لیا۔
ترجمان کے مطابق ملزمان کے قبضے سے اسلحہ، ایمونیشن اور موبائل فونز برآمد ہوئے ہیں۔ گرفتار افراد پر متعدد وارداتوں میں ملوث ہونے کا الزام ہے۔
حکام کا کہنا ہے کہ ملزمان مختلف علاقوں سے موٹرسائیکلیں، موبائل فونز اور لاکھوں روپے چھیننے میں ملوث رہے ہیں، جبکہ ایک ہوٹل میں ڈکیتی کی سی سی ٹی وی فوٹیج بھی سامنے آ چکی ہے۔