تھرپارکر کے علاقے ننگر پارکر اور اطراف میں گزشتہ 2 روز کے دوران 13 مور ہلاک ہو گئے ہیں، جس کے بعد وائلڈ لائف حکام میں تشویش پائی جا رہی ہے۔
اسسٹنٹ کنزرویٹر وائلڈ لائف کے مطابق مور کسی بیماری کا شکار نہیں بلکہ شدید گرمی اور ہیٹ اسٹروک کے باعث مر رہے ہیں۔
حکام کا کہنا ہے کہ پانی کی کمی اور بڑھتے درجہ حرارت نے پرندوں کی زندگی کو خطرے میں ڈال دیا ہے، جبکہ متاثرہ موروں کو بچانے کیلئے ملٹی وٹامنز کی فراہمی بھی شروع کر دی گئی ہے۔