غزہ کے کمال عدوان اسپتال کے ڈائریکٹر ڈاکٹر حسام ابو صفیہ کو طویل عرصے کی حراست کے بعد اسرائیلی عدالت میں پیش کیا گیا۔ عدالتی کارروائی کے دوران وہ ویڈیو لنک کے ذریعے شریک ہوئے اور تصاویر میں ان کی صحت نمایاں طور پر متاثر دکھائی دی۔ اسرائیلی حکام ان پر حماس سے تعلق کا الزام عائد کرتے ہیں، تاہم ان کے وکیل کا کہنا ہے کہ اس حوالے سے کوئی ٹھوس ثبوت پیش نہیں کیا گیا۔ انسانی حقوق کی تنظیمیں ڈاکٹر حسام سمیت زیرِ حراست فلسطینی طبی عملے کی رہائی کا مطالبہ کر رہی ہیں۔
