بھارتی ایئرچیف کا بیان بے بنیاد اور مضحکہ خیز ہے: عرفان صدیقی

سینیٹر عرفان صدیقی نے بھارتی فضائیہ کے سربراہ کے حالیہ دعوے کو جھوٹا اور مزاحیہ قرار دیتے ہوئے کہا کہ پاک بھارت جنگ کو تین ماہ گزر چکے ہیں اور بی جے پی کے رہنما خود اس وقت اعتراف کرچکے تھے کہ بھارتی طیارے گرائے گئے۔
انہوں نے کہا کہ مودی نے پارلیمنٹ میں طویل تقریر کی مگر پاکستانی طیارے گرانے کا ذکر نہیں کیا، جبکہ جھوٹ کا سہارا لینے والے بھول جاتے ہیں کہ انہوں نے پہلے کیا کہا تھا۔
عرفان صدیقی کے مطابق بھارتی حکومت اندرونِ ملک انتخابی دھاندلی کے الزامات اور بیرونِ ملک پہلگام واقعے پر عالمی عدم قبولیت کے باعث دباؤ میں ہے۔
واضح رہے کہ بھارتی ایئرچیف نے حال ہی میں بغیر ثبوت یہ دعویٰ کیا تھا کہ جنگ کے دوران 6 پاکستانی طیارے تباہ کیے۔