ترجمان سندھ حکومت سعدیہ جاوید کے مطابق کراچی میں ڈمپرز جلانے کے واقعے میں 14 سے 15 افراد گرفتار کیے گئے ہیں جبکہ ایف بی ایریا اور یوسف پلازہ تھانوں کے ایس ایچ اوز کو معطل کردیا گیا۔
انہوں نے بتایا کہ ڈمپر مالکان کو پہلے ہی 3 ماہ کا وقت دیا گیا تھا کہ گاڑیوں میں ٹریکرز اور پہیوں کے گرد سیفٹی لگائیں۔
واقعہ اس وقت پیش آیا جب راشد منہاس روڈ پر ٹریفک حادثے میں بہن بھائی جاں بحق اور ایک شخص زخمی ہوا، جس کے بعد مشتعل شہریوں نے ڈرائیور پر تشدد اور 7 ڈمپروں کو آگ لگا دی۔ مقدمے میں قتلِ خطا کی دفعات شامل کرلی گئی ہیں۔
کراچی ڈمپرز جلانے کا واقعہ: 14 سے زائد افراد زیر حراست، 2 ایس ایچ او معطل
