پاکستانی اداکارہ ہانیہ عامر ایک بار پھر اپنی خوش مزاج شخصیت اور انرجی سے بھرپور پرفارمنس کے باعث خبروں کی زینت بن گئیں۔ وہ اپنی قریبی دوست اور اسٹائلسٹ آرینڈا تولنور کی شادی کی تقریبات میں شریک ہوئیں جہاں انہوں نے محفل کو خوب رنگین بنا دیا
قوالی نائٹ اور سنگیت کی تقریب میں ہانیہ عامر نے سیاہ اور سنہری رنگ کے خوبصورت لہنگے میں شرکت کی اور اپنے دوستوں کے ساتھ ڈانس کر کے حاضرین سے خوب داد وصول کی۔
تقریب میں دیگر شوبز شخصیات بھی موجود تھیں، جن میں یشما گل شامل ہیں۔ ہانیہ کی پرفارمنس کی ویڈیوز سوشل میڈیا پر تیزی سے وائرل ہو رہی ہیں اور مداح ان کے انداز کو خوب سراہ رہے ہیں۔