بالی ووڈ اداکار عامر خان نے اپنے بیٹے جنید خان کی آنے والی رومانوی فلم ’ایک دن‘ کے اختتامی منظر کو ازسرِنو تحریر کر دیا ہے۔
فلم ساز منصور خان کے مطابق عامر خان کو کلائمکس پسند نہیں آیا، جس پر انہوں نے اس میں تبدیلی کی تجویز دی اور نیا اختتام لکھا، جس سے پوری ٹیم نے اتفاق کیا۔
فلم میں جنید خان کے ساتھ سائی پلوی مرکزی کردار ادا کر رہی ہیں، جبکہ ہدایت کاری سنیل پانڈے کر رہے ہیں۔ یہ فلم عامر خان پروڈکشنز کے تحت تیار کی جا رہی ہے۔
منصور خان نے مزید بتایا کہ فلم کی تیاری کے دوران تخلیقی اختلافات بھی سامنے آئے، تاہم انہیں مثبت انداز میں حل کیا گیا۔
یہ فلم 2016 کی تھائی فلم ’ون ڈے‘ کا ری میک ہے اور اسے یکم مئی 2026 کو ریلیز کیا جائے گا۔