زمبابوے کی خواتین کرکٹ ٹیم پہلی بار پاکستان کا دورہ کرتے ہوئے 29 اپریل کو کراچی پہنچے گی، جہاں تمام میچز نیشنل بینک اسٹیڈیم میں کھیلے جائیں گے۔
سیریز میں مجموعی طور پر 6 وائٹ بال میچز شامل ہیں، جن میں 3 ون ڈے اور 3 ٹی ٹوئنٹی میچز ہوں گے۔ ون ڈے میچز 3، 6 اور 9 مئی کو دوپہر 3:30 بجے شروع ہوں گے اور یہ آئی سی سی ویمنز چیمپئن شپ کا حصہ ہوں گے۔
ٹی ٹوئنٹی سیریز 12، 14 اور 15 مئی کو کھیلی جائے گی، جن کے میچز رات 7:30 بجے شروع ہوں گے۔
یہ سیریز دونوں ٹیموں کے لیے آئندہ ویمنز ٹی ٹوئنٹی ورلڈ کپ کی تیاری میں اہم کردار ادا کرے گی، جو جون میں انگلینڈ اور ویلز میں منعقد ہوگا۔