کراچی میں درجۂ حرارت میں اضافہ، گرمی دوبارہ شدت اختیار کرنے لگی

کراچی میں ایک بار پھر گرمی کا اثر بڑھنے لگا ہے اور آئندہ 24 گھنٹوں کے دوران دن کے وقت موسم گرم رہنے کی پیشگوئی کی گئی ہے۔

محکمۂ موسمیات کے مطابق زیادہ سے زیادہ درجۂ حرارت 34 سے 36 ڈگری سینٹی گریڈ تک جا سکتا ہے، جبکہ نمی کا تناسب تقریباً 80 فیصد ریکارڈ کیا گیا ہے جس سے حبس میں اضافہ محسوس ہوگا۔

ادھر کم سے کم درجۂ حرارت 23.5 ڈگری سینٹی گریڈ نوٹ کیا گیا ہے۔