کراچی میں میٹرک کے امتحانات آج سے شروع ہو گئے، تاہم امتحانی مراکز میں آخری وقت پر تبدیلی نے طلبہ اور والدین کو مشکل میں ڈال دیا۔
متعدد والدین نے شکایت کی کہ ایڈمٹ کارڈ پر درج مراکز امتحان سے ایک دن پہلے تبدیل کر دیے گئے، جس سے غیر یقینی صورتحال پیدا ہو گئی ہے۔
دوسری جانب ایڈمٹ کارڈز کے اجرا اور آن لائن نظام میں مسائل پر وزیر تعلیم سندھ محمد اسماعیل راہو نے چیئرمین میٹرک بورڈ پر سخت ناراضی کا اظہار کرتے ہوئے ذمہ داروں کے خلاف کارروائی کی ہدایت دی ہے۔