کراچی میں خشک موسم، راتیں مزید ٹھنڈی رہنے کا امکان

محکمہ موسمیات کے مطابق کراچی میں اگلے 24 گھنٹوں کے دوران موسم خشک رہنے جبکہ رات کے اوقات میں خنکی برقرار رہنے کی توقع ہے۔ شہر کا کم سے کم درجہ حرارت 12 سے 14 ڈگری اور زیادہ سے زیادہ 24 سے 26 ڈگری سینٹی گریڈ تک رہ سکتا ہے۔

گزشتہ روز کم سے کم درجہ حرارت 12.3 ڈگری سینٹی گریڈ ریکارڈ کیا گیا، جبکہ شمال مشرقی سمت سے 11 کلومیٹر فی گھنٹہ کی رفتار سے ہوائیں چل رہی ہیں۔ ہوا میں نمی کا تناسب 50 فیصد ہے۔ محکمہ موسمیات نے عندیہ دیا ہے کہ ہفتے اور اتوار کو درجہ حرارت سنگل ڈیجٹ تک گرنے کا امکان بھی موجود ہے۔