ایرانی سپریم نیشنل سیکیورٹی کونسل نے حالیہ پیش رفت پر ردعمل دیتے ہوئے کہا ہے کہ مخالف فریق کو جنگ میں نمایاں اور تاریخی ناکامی کا سامنا کرنا پڑا۔
بیان کے مطابق ایران نے مذاکرات میں اپنی شرائط منوانے میں کامیابی حاصل کی، جن میں عدم جارحیت کی یقین دہانی، پابندیوں کا خاتمہ اور جوہری پروگرام سے متعلق مؤقف کی منظوری شامل ہے۔
ایران نے آبنائے ہرمز پر اپنے کنٹرول کو برقرار رکھنے، خطے سے امریکی افواج کے انخلا اور دیگر اہم نکات کو بھی اپنی کامیابی قرار دیا ہے۔
حکام نے اس پیش رفت کو ایرانی عوام کی کامیابی قرار دیتے ہوئے اتحاد برقرار رکھنے کی اپیل کی، تاہم ساتھ ہی خبردار کیا کہ فوج مکمل طور پر الرٹ ہے اور کسی بھی ممکنہ کارروائی کا سخت جواب دیا جائے گا۔