زمبابوے ویمن ٹیم کا دورۂ پاکستان، مئی میں سیریز شیڈول

زمبابوے ویمن کرکٹ ٹیم آئندہ ماہ پاکستان کا دورہ کرے گی، ٹیم اپریل کے آخر میں کراچی پہنچے گی۔

دونوں ٹیموں کے درمیان سیریز مئی کے پہلے ہفتے میں کراچی میں کھیلی جائے گی، جس میں 3 ون ڈے اور 3 ٹی ٹوئنٹی میچز شامل ہوں گے۔

ذرائع کے مطابق سیریز کی حتمی تاریخوں کا اعلان جلد متوقع ہے۔ تینوں ون ڈے میچز آئی سی سی ویمن چیمپئن شپ کا حصہ ہوں گے، جو ورلڈ کپ 2029 کے لیے کوالیفائنگ مرحلہ ہے۔

واضح رہے کہ اس وقت چیمپئن شپ کی درجہ بندی میں پاکستان آٹھویں جبکہ زمبابوے گیارہویں نمبر پر موجود ہے۔