جدہ کے ریڈ سی میوزیم میں زیرِ آب دریافت ہونے والے تاریخی نوادرات پر مبنی خصوصی نمائش جاری ہے، جس میں بحیرۂ احمر کی قدیم سمندری تاریخ، تجارت، سفرِ حج اور مختلف تہذیبوں کے درمیان روابط کو اجاگر کیا گیا ہے۔
15 اگست تک جاری رہنے والی اس نمائش میں تاریخی نقشے، جہاز رانی کے آلات، غرق شدہ جہازوں سے ملنے والے نوادرات اور جدید ٹیکنالوجی کے ذریعے انٹرایکٹو تجربات پیش کیے جا رہے ہیں۔
نمائش کا مقصد بحیرۂ احمر کے ثقافتی اور سمندری ورثے سے آگاہی بڑھانا ہے، جبکہ بچوں اور خاندانوں کے لیے بھی خصوصی تعلیمی سرگرمیاں شامل کی گئی ہیں تاکہ تاریخی ورثے کے تحفظ کی اہمیت کو فروغ دیا جا سکے۔