بالی ووڈ کی اداکارہ عالیہ بھٹ نے انسٹاگرام پر اعلان کیا ہے کہ وہ ایک مختصر بریک لینے جا رہی ہیں۔ یہ اعلان انہوں نے چیتک اسکرین ایوارڈز میں پہلی بار میزبان کے طور پر شرکت کے بعد کیا۔
عالیہ نے پوسٹ میں کہا کہ میزبانی کے دوران مسلسل بات کرنے کے بعد انہیں کچھ آرام کی ضرورت ہے اور اب وہ کچھ دن تک بات نہیں کریں گی۔ اس موقع پر عالیہ بھٹ نے سفید ساڑھی اور سیاہ سوٹ میں شاندار انداز دکھایا۔ مداحوں کا کہنا ہے کہ وہ جلد بڑی فلموں میں دوبارہ نظر آئیں گی۔