بنگلادیش کے تجربہ کار آل راؤنڈر شکیب الحسن نے ایک بار پھر قومی ٹیم کی نمائندگی کی خواہش ظاہر کی ہے۔ سوشل میڈیا بیان میں انہوں نے کہا کہ وہ اپنے کیریئر کے آخری مرحلے میں بھی ملک کے لیے کھیلنا چاہتے ہیں اور موقع ملنے پر بہترین کارکردگی دکھانے کا ارادہ رکھتے ہیں۔
شکیب کا کہنا تھا کہ ان کی توجہ اس وقت مکمل طور پر کرکٹ پر ہے، جبکہ مستقبل میں وہ ملک کی خدمت کے لیے دیگر شعبوں میں بھی کردار ادا کرنا چاہتے ہیں۔ انہوں نے مداحوں سے دعا اور حمایت کی درخواست کرتے ہوئے امید ظاہر کی کہ وہ اپنے کیریئر کا اختتام بنگلادیش کی نمائندگی کرتے ہوئے خوشی کے ساتھ کریں گے۔