کیوبا نے دعویٰ کیا ہے کہ وینزویلا میں امریکی فوجی کارروائی کے دوران اس کے 32 سیکیورٹی اہلکار ہلاک ہوئے ہیں۔ ہوانا کی جانب سے بتایا گیا ہے کہ ہلاک ہونے والوں کی یاد میں دو روزہ قومی سوگ منایا جائے گا اور آخری رسومات ادا کی جائیں گی۔
کیوبا کی سرکاری خبر رساں ایجنسی کے مطابق یہ اہلکار وینزویلا کی حکومت کی درخواست پر وہاں تعینات تھے۔ دوسری جانب وینزویلا کے وزیر دفاع نے امریکی کارروائی کو ملکی خودمختاری پر حملہ قرار دیتے ہوئے کہا کہ اس آپریشن میں صدر مادورو کی سیکیورٹی ٹیم کو بھی بھاری نقصان اٹھانا پڑا، تاہم ہلاکتوں کی تعداد ظاہر نہیں کی گئی۔