اسلام آباد ہائی کورٹ نے نیو بلیو ایریا میں داخلے پر فیس وصولی کے خلاف درخواست کی سماعت کرتے ہوئے متعلقہ حکام کو نوٹس جاری کر دیے ہیں۔ عدالت نے استفسار کیا کہ یہ فیس کس قانونی اختیار کے تحت وصول کی جا رہی ہے اور ایم سی آئی کے منتظم کو آئندہ سماعت پر ذاتی حیثیت میں طلب کر لیا۔ درخواست گزار کا مؤقف ہے کہ عوام سے سروس روڈ کے استعمال پر فیس لی جا رہی ہے جبکہ اس کے بدلے کوئی اضافی سہولت فراہم نہیں کی جا رہی۔
