نواسۂ رسول حضرت امام حسینؓ اور ان کے رفقا کے چہلم کے موقع پر آج ملک بھر میں عزاداری کے جلوس برآمد ہوں گے، جبکہ سیکیورٹی کے سخت انتظامات کیے گئے ہیں۔
کراچی میں مرکزی جلوس نشتر پارک سے برآمد ہوگا، جس کے باعث ایم اے جناح روڈ سمیت متعدد اہم شاہراہیں ٹریفک کے لیے بند رہیں گی۔ شہریوں کی سہولت کے لیے ٹریفک کو متبادل راستوں پر منتقل کرنے کا منصوبہ بھی ترتیب دیا گیا ہے۔
انتظامیہ نے عوام سے اپیل کی ہے کہ سفر سے قبل ٹریفک پلان سے آگاہی حاصل کریں اور ہدایات پر عمل کریں۔