معروف موسیقار اے آر رحمٰن نے ایک پوڈ کاسٹ میں مذہبی عقائد اور روحانی تجربات پر گفتگو کرتے ہوئے کہا ہے کہ بعض مقدس ناموں اور ذکر میں گہری تاثیر پائی جاتی ہے۔ ان کے مطابق اللہ کے ذکر اور درود و سلام سے روحانی برکت اور سکون حاصل ہوتا ہے۔ انہوں نے کہا کہ صوفی روایت کے مطابق ذکر کے دوران ایک خاص روحانی کیفیت پیدا ہوتی ہے جو انسان پر مثبت اثر ڈالتی ہے۔ اے آر رحمٰن نے یہ بھی کہا کہ موسیقی اور صوفی کلام کے ذریعے بھی ایسی ہی روحانی طاقت محسوس کی جا سکتی ہے۔
