سعودی وزارتِ حج و عمرہ نے حج کے دوران عازمین کی آمدورفت اور ہجوم کے انتظام پر مبنی ایک دستاویزی فلم جاری کی ہے۔ اس میں دکھایا گیا ہے کہ کس طرح لاکھوں حجاج کی نقل و حرکت کو جدید منصوبہ بندی اور مربوط نظام کے ذریعے منظم کیا جاتا ہے۔ حکام کے مطابق مختلف ادارے اور ہزاروں اہلکار و رضاکار مسلسل ہم آہنگی کے ساتھ خدمات انجام دیتے ہیں تاکہ حجاج کو محفوظ اور منظم سہولت فراہم کی جا سکے۔ دستاویزی فلم میں گروپس کی صورت میں نقل و حرکت کے نظام کو بھی نمایاں کیا گیا ہے جو ازدحام کو کنٹرول کرنے میں اہم کردار ادا کرتا ہے۔
