تنقید پر حارث رؤف کا ردعمل: “ایک میچ سے فیصلہ نہ کریں”

لاہور قلندرز کے فاسٹ بولر حارث رؤف نے آخری اوور میں میچ نہ بچا سکنے پر ہونے والی تنقید کا جواب دیتے ہوئے کہا ہے کہ ایک خراب میچ سے کسی کھلاڑی کی صلاحیت کا اندازہ نہیں لگایا جا سکتا۔

انہوں نے کہا کہ موجودہ پچز اور کنڈیشنز میں ہائی اسکورنگ میچز عام ہیں، جس کی وجہ سے بولرز کو رنز دینا پڑتے ہیں، تاہم اگر ٹیم کو پار اسکور سے کم پر روکا جائے تو یہ اچھی بولنگ سمجھی جاتی ہے۔

حارث رؤف کا کہنا تھا کہ وہ تنقید کو مثبت انداز میں لیتے ہیں کیونکہ اس سے ظاہر ہوتا ہے کہ شائقین کو ان سے بڑی توقعات ہیں۔ انہوں نے مزید کہا کہ وہ اپنی ڈیتھ بولنگ بہتر بنانے پر کام کر رہے ہیں اور ٹیم کی جانب سے اعتماد ان کے لیے حوصلہ افزا ہے۔