بھارت کے شہر حیدرآباد میں 26 سالہ سافٹ ویئر انجینئر خاتون نے مبینہ طور پر جہیز کے لیے دباؤ اور گھریلو مسائل سے تنگ آ کر خودکشی کر لی۔
پولیس کے مطابق خاتون یکم اپریل کو اپنے فلیٹ میں مردہ حالت میں پائی گئیں۔ ان کی شادی رواں سال فروری میں ہوئی تھی اور یہ پسند کی شادی تھی، تاہم شادی کے بعد دونوں کے درمیان تنازعات بڑھ گئے تھے۔
اہلِ خانہ کا الزام ہے کہ شوہر کی جانب سے جہیز اور مالی مدد کے لیے دباؤ ڈالا جا رہا تھا۔ پولیس نے مقدمہ درج کر کے شوہر کو حراست میں لے لیا ہے اور مختلف پہلوؤں سے تحقیقات جاری ہیں۔