ایران کے مختلف شہروں میں مہنگائی اور کرنسی کی قدر میں کمی کے خلاف جاری احتجاج کے دوران مظاہرین اور سیکیورٹی فورسز میں جھڑپیں ہوئیں، جن میں 6 افراد جان سے گئے جبکہ متعدد زخمی ہوئے۔ غیر ملکی میڈیا کے مطابق پانچ روز سے جاری مظاہرے شدت اختیار کر چکے ہیں۔ ایرانی ذرائع کا کہنا ہے کہ بعض مقامات پر سرکاری عمارتوں کو نشانہ بنایا گیا اور ہنگامہ آرائی میں ملوث 30 افراد کو حراست میں لے لیا گیا، جبکہ بدھ کے روز تعلیمی ادارے اور سرکاری دفاتر بھی بند رہے۔
