ایران کے دارالحکومت تہران میں متعدد دھماکوں کی آوازیں سنی گئیں، جس کے بعد شہر کے مشرقی علاقوں میں عارضی طور پر بجلی کی فراہمی معطل ہو گئی۔ تاہم ایرانی میڈیا کے مطابق کچھ دیر بعد بجلی بحال کر دی گئی۔
ادھر امریکی حکام کا کہنا ہے کہ اصفہان میں ایک بڑے اسلحہ گودام کو نشانہ بنایا گیا، جہاں بھاری بنکر بسٹر بم استعمال کیے گئے۔ دوسری جانب غیر ملکی میڈیا رپورٹس میں مقبوضہ بیت المقدس میں بھی کئی دھماکوں کی آوازیں سننے کا دعویٰ کیا گیا ہے۔