نائب وزیرِ اعظم و وزیرِ خارجہ اسحاق ڈار سرکاری دورے پر چین روانہ ہو گئے ہیں۔ یہ دورہ چینی وزیرِ خارجہ کی دعوت پر ہو رہا ہے، جس کے دوران وہ بیجنگ میں اعلیٰ سطحی ملاقاتیں کریں گے۔
اس موقع پر دونوں ممالک کے درمیان دوطرفہ تعلقات، خطے کی موجودہ صورتحال اور عالمی سطح کے اہم امور پر تفصیلی تبادلۂ خیال متوقع ہے۔ یہ دورہ پاکستان اور چین کے باہمی تعاون کو مزید مضبوط بنانے میں اہم کردار ادا کرے گا۔