ایران کے وزیر خارجہ عباس عراقچی نے کہا ہے کہ عالمی قوانین کی حیثیت کمزور ہو چکی ہے اور مغربی ممالک مختلف تنازعات میں یکساں اصول نہیں اپناتے۔ ان کے مطابق غزہ اور یوکرین کے معاملات میں رویہ مختلف رکھا گیا جبکہ ایران کے خلاف کارروائیوں پر خاموشی اختیار کی گئی۔ انہوں نے اس بات پر زور دیا کہ قانون کی پاسداری کے دعویدار ممالک کو ہر جگہ یکساں موقف اختیار کرنا چاہیے اور خلاف ورزیوں پر آواز اٹھانی چاہیے۔
