وزیراعظم شہباز شریف اور سعودی ولی عہد محمد بن سلمان کے درمیان ٹیلیفون پر بات چیت ہوئی جس میں خطے کی موجودہ صورتحال اور بڑھتی کشیدگی پر غور کیا گیا۔ دونوں رہنماؤں نے امن و استحکام کے لیے جاری سفارتی اقدامات پر بھی تبادلہ خیال کیا۔ وزیراعظم نے سعودی عرب کے ساتھ یکجہتی کا اظہار کرتے ہوئے اس کی سلامتی کے خلاف کسی بھی اقدام کی مذمت کی اور ہر سطح پر تعاون جاری رکھنے کے عزم کا اعادہ کیا۔
