متحدہ عرب امارات میں ہونے والے حملوں کے دوران ایک اور پاکستانی شہری جاں بحق ہو گیا۔ اماراتی حکام کے مطابق ابوظبی کے علاقے بنی یاس میں میزائل کے ٹکڑے گرنے سے یہ واقعہ پیش آیا، جہاں ایک ٹکڑا لگنے سے پاکستانی شہری جان سے ہاتھ دھو بیٹھا۔
حکام کا کہنا ہے کہ فضائی دفاعی نظام نے بیلسٹک میزائل کو فضا میں ہی تباہ کر دیا تھا، تاہم اس کے ٹکڑے زمین پر گرنے سے نقصان ہوا۔ حالیہ کشیدگی کے دوران امارات میں مجموعی طور پر 7 افراد ہلاک ہو چکے ہیں جن میں 3 پاکستانی شہری بھی شامل ہیں۔ ایک پاکستانی دبئی جبکہ دو ابوظبی میں جاں بحق ہوئے۔