امریکا اور اسرائیل کی جانب سے ایران پر حملے کے بعد عالمی سطح پر تیل کی قیمتوں میں تیزی دیکھی گئی ہے۔ اس صورتحال کے پیشِ نظر وزیرِ اعظم شہباز شریف نے 18 رکنی اعلیٰ سطحی کمیٹی قائم کر دی ہے جو ملک میں پیٹرولیم قیمتوں اور رسد کی صورتحال کا جائزہ لے گی۔
کمیٹی کی سربراہی وزیرِ خزانہ محمد اورنگزیب کریں گے، جبکہ اس میں متعلقہ وفاقی وزراء، اہم اداروں کے سربراہان اور اعلیٰ حکام شامل ہوں گے۔
یہ کمیٹی عالمی حالات کے پاکستان کی معیشت پر ممکنہ اثرات کا تجزیہ کرے گی اور طویل کشیدگی کی صورت میں متبادل حکمتِ عملی بھی تیار کرے گی تاکہ پیٹرولیم سپلائی متاثر نہ ہو۔