امریکی صدر ڈونلڈ ٹرمپ نے کہا ہے کہ ایران اپنے جوہری اور بیلسٹک میزائل پروگرام سے متعلق امریکا سے معاہدے کا خواہاں ہے اور اگر اس نے معاہدہ نہ کیا تو یہ اس کی غلطی ہوگی۔
ایک انٹرویو میں انہوں نے پاک بھارت کشیدگی کا حوالہ دیتے ہوئے دعویٰ کیا کہ دونوں ممالک ایٹمی تصادم کے قریب پہنچ چکے تھے اور امریکی اقدامات نے صورتحال کو قابو میں رکھنے میں کردار ادا کیا۔
ادھر امریکی میڈیا رپورٹس کے مطابق واشنگٹن ایران پر دباؤ بڑھانے کے لیے اس کے تیل بردار جہازوں کو تحویل میں لینے کے آپشن پر غور کر رہا ہے، تاہم اس اقدام کے ممکنہ عالمی اثرات پر تشویش بھی پائی جاتی ہے۔