امریکی صدر ڈونلڈ ٹرمپ نے خبردار کیا ہے کہ اگر ایران نے واشنگٹن کے مطالبات تسلیم نہ کیے تو اسے سخت نتائج بھگتنا پڑ سکتے ہیں، جن میں فوجی کارروائی بھی شامل ہو سکتی ہے۔
ایک انٹرویو میں ٹرمپ نے کہا کہ امریکا یا تو ایران سے معاہدہ کرے گا یا پھر فیصلہ کن قدم اٹھائے گا۔ یہ بیان ایسے وقت میں آیا ہے جب امریکا نے مشرقِ وسطیٰ میں اپنی فوجی موجودگی بڑھا دی ہے اور خطے میں اضافی بحری اثاثے تعینات کرنے پر غور کیا جا رہا ہے۔
امریکا ایران سے یورینیئم افزودگی روکنے، خطے میں مسلح گروہوں سے روابط ختم کرنے اور بیلسٹک میزائل پروگرام محدود کرنے کا مطالبہ کر رہا ہے۔ ٹرمپ کے مطابق ان شرائط کو مسترد کرنا ایران کے لیے نقصان دہ ثابت ہو سکتا ہے۔