وزیراعلیٰ بلوچستان سرفراز بگٹی نے کہا ہے کہ بھارتی اقدامات کشمیری عوام کے عزم کو کمزور نہیں کر سکتے اور آزادی کی تحریک اپنے منطقی انجام تک پہنچے گی۔ یومِ یکجہتی کشمیر کے موقع پر اپنے پیغام میں انہوں نے یاد دلایا کہ کشمیری طویل عرصے سے دباؤ اور سخت حالات کے باوجود اپنے حق کے لیے جدوجہد جاری رکھے ہوئے ہیں۔
ان کا کہنا تھا کہ پاکستان کشمیریوں کی سیاسی، اخلاقی اور سفارتی سطح پر حمایت جاری رکھے گا، اور بلوچستان کے عوام بھی اس مؤقف میں شریک ہیں۔ وزیراعلیٰ نے زور دیا کہ عالمی برادری پر لازم ہے کہ وہ متعلقہ قراردادوں کے مطابق کشمیریوں کو حقِ خودارادیت دلانے میں کردار ادا کرے، جبکہ یہ دن کشمیریوں سے یکجہتی کے عزم کو تازہ کرنے کی علامت ہے۔