پی ٹی آئی کارکنوں کی تھری ایم پی او کے تحت کی گئی گرفتاریوں کو سندھ ہائیکورٹ میں چیلنج کر دیا گیا ہے۔ عدالت نے درخواست پر فوری سماعت کی اپیل منظور کرتے ہوئے معاملہ آج ہی دو رکنی بینچ کے سامنے مقرر کر دیا ہے، جس کی سربراہی جسٹس عدنان کریم کریں گے۔
درخواست گزاروں کا مؤقف ہے کہ نوٹیفکیشن کے ذریعے 180 کارکنوں کو 8 فروری کی ہڑتال کے اعلان کے بعد نظر بند کیا گیا۔ یہ درخواست پی ٹی آئی سندھ کے جنرل سیکریٹری منصور علی سمیت دیگر رہنماؤں کی جانب سے دائر کی گئی ہے۔