سرگودھا کے علاقے تنکی والا میں ایک خاتون کی ہلاکت کے معاملے نے سنگین رخ اختیار کر لیا۔ ابتدائی طور پر اسے طبعی موت ظاہر کر کے تدفین کر دی گئی تھی، تاہم میت کو غسل دینے والی خاتون نے گردن پر تشدد کے نشانات دیکھ کر اہلِ علاقہ کو اطلاع دی۔
اطلاع ملنے پر پولیس نے کارروائی کرتے ہوئے مقتولہ کے شوہر اور دیور کو حراست میں لے لیا اور مقدمہ درج کر لیا ہے۔ مجسٹریٹ کی اجازت سے میڈیکل بورڈ اب لاش کا پوسٹ مارٹم کر کے اصل حقائق کا تعین کرے گا۔