سندھ ہائی کورٹ نے ایک شہری کی فیملی ٹری میں غیر متعلقہ فرد کے اندراج سے متعلق درخواست پر سماعت کرتے ہوئے نادرا حکام سے وضاحت طلب کر لی۔ درخواست گزار کے وکیل نے مؤقف اختیار کیا کہ ایک افغان شہری کے نام کے اندراج کے بعد پورے خاندان کے شناختی کارڈز بلاک کر دیے گئے۔
بینچ نے سوال اٹھایا کہ ایک شخص کے اندراج کی بنیاد پر مکمل خاندان کو مشکلات میں کیوں ڈالا گیا، اور یہ بھی ہدایت دی کہ اگر ریکارڈ میں کوئی غیر متعلقہ نام شامل ہے تو اسے خارج کیا جائے۔ عدالت نے نادرا کو 10 دن میں خاندان کی دستاویزات کا جائزہ لے کر رپورٹ پیش کرنے کا حکم دیتے ہوئے سماعت ملتوی کر دی۔