میزبان و اداکار توثیق حیدر نے انسٹاگرام پر حالیہ فوٹو شوٹ شیئر کیا جس میں وہ سرسوں کے کھیت میں رومانوی انداز اپنائے نظر آئے۔ ویڈیو کے بیک گراؤنڈ میں فلم دل والے دلہنیا لے جائیں گے کے مقبول گانے کی دھن بھی شامل تھی، جس نے پوسٹ کو فوراً توجہ کا مرکز بنا دیا۔
سوشل میڈیا صارفین نے اس انداز کو شاہ رخ خان کے مشہور سین سے جوڑتے ہوئے دلچسپ تبصرے کیے۔ کچھ لوگوں نے ہلکے پھلکے مذاق میں لکھا کہ “یہ اسٹائل صرف شاہ رخ کو ہی سوٹ کرتا ہے”، جبکہ کسی نے پوچھا کہ “کھیت میں سمرن کی تلاش ہے یا کسی اور کی؟” ایک اور صارف نے مزاحیہ انداز میں خبردار کیا کہ “کھیت کے مالک سے بچ کر رہیں!”