اسرائیل نے ایک بار پھر لبنان پر حملہ کرتے ہوئے جنوبی علاقے الکفور میں مختلف مقامات کو میزائلوں سے نشانہ بنایا ہے۔ اسرائیلی فوج کا کہنا ہے کہ کارروائی حزب اللّٰہ کے ٹھکانوں کے خلاف کی گئی۔
یہ حملے لبنان اور حزب اللّٰہ کے درمیان طے شدہ جنگ بندی کے باوجود کیے گئے۔ اسرائیلی حکام کے مطابق شام اور لبنان کی سرحد پر واقع چار گزرگاہوں کو بھی نشانہ بنایا گیا، جن کے بارے میں دعویٰ کیا گیا ہے کہ انہیں اسلحہ کی منتقلی کے لیے استعمال کیا جا رہا تھا، تاہم اس حوالے سے کوئی شواہد سامنے نہیں لائے گئے۔