سعودی عرب کے الجوف ریجن میں دومتہ الجندل کی مسجد، خلیفہ ثانی عمر بن خطاب کے نام سے منسوب، ابتدائی اسلام کے فنِ تعمیر کی ایک اہم مثال ہے۔ اس مسجد کی تعمیر مسجد نبوی کے طرز پر کی گئی اور عبادت کے لیے مستطیل ہال آج تک سادگی کو برقرار رکھتا ہے۔
مسجد اینٹ، گارے اور پتھروں کے روایتی طریقے سے بنائی گئی تھی، اور وسط میں ستون اور منبر موجود ہیں تاکہ امام کی آواز سب تک پہنچ سکے۔ ایس پی اے کے مطابق اس مسجد کا تاریخی مینار اسلامی دور کا پہلا مینار سمجھا جاتا ہے، جس کا منفرد چوکور ڈیزائن اور نصف مخروطی چوٹی اسلامی طرزِ تعمیر کی ترقی کی مثال ہے۔