ایران کے وزیر خارجہ عباس عراقچی نے واضح کیا ہے کہ ملک میں کسی کو سزائے موت دینے کا کوئی منصوبہ موجود نہیں اور اس حوالے سے پھیلنے والی خبریں بے بنیاد ہیں۔ امریکی ٹی وی سے گفتگو میں انہوں نے کہا کہ ایران میں حالات پُرامن ہیں اور صورتحال حکومت کے کنٹرول میں ہے۔
ان کا کہنا تھا کہ حالیہ مظاہروں میں شامل بعض عناصر کو بیرون ملک سے منظم کیا جا رہا تھا اور انہوں نے دہشت گردی طرز کے اقدامات کیے۔ عباس عراقچی نے خبردار کیا کہ ماضی جیسی غلطیاں دوبارہ دہرائی گئیں تو اس کے نتائج بھی ویسے ہی ہوں گے کیونکہ ایران دباؤ سے نہیں جھکتا۔
انہوں نے مزید کہا کہ ایران کو امریکا اور یورپی ممالک کی جانب سے مختلف دھمکیوں کا سامنا ہے۔ ادھر امریکی صدر ڈونلڈ ٹرمپ بھی یہ کہہ چکے ہیں کہ ایران میں بڑے پیمانے پر پھانسیوں کی اطلاعات درست نہیں۔