پاکستان میں سال 2026 کا آغاز ہوتے ہی مختلف شہروں میں جشن کا سماں دیکھنے میں آیا۔ رات بارہ بجتے ہی کراچی، لاہور، اسلام آباد، کوئٹہ اور دیگر شہروں میں آتش بازی اور خوشی کے اظہار کا سلسلہ شروع ہو گیا۔
کراچی اور کوئٹہ میں میوزیکل تقریبات منعقد ہوئیں، جبکہ لاہور کے لبرٹی چوک اور کراچی کے گورنر ہاؤس میں خصوصی آتش بازی کی گئی۔ شہریوں نے ایک دوسرے کو نئے سال کی مبارک باد دی، بعض مقامات پر ہارن بجا کر اور ساحلی علاقوں میں جشن منایا گیا۔
ملک بھر میں لوگوں نے نئے سال کو جوش و خروش کے ساتھ خوش آمدید کہا۔